या घटनेचे वृत्त असे की, पुण्यातील धानोरी परिसरात रविवारी रात्री १२.३० च्या सुमारास भीषण अपघात झाला. धानोरी येथील पोरवाल रस्त्यावर हा अपघात झाला. भरधाव वेगात असणाऱ्या एका कारने रस्त्याच्या कडेला थांबलेल्या रिक्षाला जोराची धडक दिली. यात रिक्षात असलेले चौघेजण जखमी झाले आहेत. आरोपी कारचालकाला विमानतळ पोलिसांनी ताब्यात घेतले आहे. तो दारूच्या नशेत असल्याची प्राथमिक माहिती आहे.
