दिलीप मोहिते पाटील हे अजित पवार गटाचे खेड तालुक्यातील आमदार आहेत. त्यांचा पुतण्या मयूर मोहिते हा पुणे नाशिक मार्गाने मध्यरात्री येत असतांना त्याने कळंब जवळ दुचाकीवरून जाणाऱ्या दोघांना उडवले. यात एकाचा मृत्यू झाला. या घटनेची माहिती मिळताच पोलिसांनी घटनास्थळी धाव घेतली. याप्रकरणी आमदार दिलीप मोहिते पाटील यांच्या पुतण्या मयूर मोहिते पाटील यांच्यावर रात्री उशिरा गुन्हा दाखल करण्यात आला. दरम्यान, मयूर याने अपघातावेळी मद्य प्राशन केले होते का याचा तपास देखील पोलिस करत आहेत.
