Pooja Khedkar Case : पूजा खेडकरला दिल्ली उच्च न्यायालयाकडून मोठा दिलासा मिळाला आहे. उच्च न्यायालयाने पूजा खेडकरच्या अटकेला २१ ऑगस्टपर्यंत स्थगिती दिली आहे. २१ ऑगस्ट पर्यंत पूजा खेडकरला अटक न करण्याचे आदेश न्यायालयाने दिल्ली पोलिसांना दिले आहेत. दिल्ली पोलिसांनी पूजा खेडकरवर फसवणुकीचा गुन्हा दाखल केला आहे. नागरी सेवा परीक्षा गैरमार्गाने उत्तीर्ण केल्याप्रकरणी त्याच्यावर गुन्हा दाखल करण्यात आला आहे. या प्रकरणाची सुनावणी करताना न्यायमूर्ती सुब्रमण्यम प्रसाद म्हणाले, खटल्याच्या पुढील सुनावणीच्या तारखेपर्यंत म्हणजेच २१ ऑगस्टपर्यंत याचिकाकर्त्याला अटक करण्याची गरज नाही. यासोबतच न्यायालयाने यूपीएससी आणि दिल्ली पोलिसांनाही याप्रकरणी नोटीस बजावली आहे.
