‘बिग बॉस ओटीटी २’च्या घरात नुकताच एक स्पॉन्सर टास्क खेळण्यात आला. या टास्कमध्ये पूजा भट्ट रडत असलेल्या फलक नाजला समजावत होती. ती फलकला म्हणाली की, ‘जियाची मैत्री दर आठवड्याला बदलते. आधी ती मैत्री करते, नंतर नॉमिनेट करते आणि शेवटी ती भांडते आणि निरागस चेहरा बनवते.’ इतकेच नाही तर, पूजाने अविनाश सचदेव, फलक नाज आणि जेडी हदीद यांच्यासमोर जियाने सर्वांचा वापर केल्याचे म्हटले. पूजाने जियाला फसवी, अस्थिर आणि सतत डील करणारी मुलगी म्हटले आहे. यावरूनच वादाला तोंड फुटले आहे.
