१२ जून रोजी दुपारी दीडच्या सुमारास हा दरोडा पडला. या दरोड्याचा थरकाप उडवणारा व्हिडिओ सध्या जगभरात व्हायरल झाला आहे. मिळालेल्या माहितीनुसार, सुमारे २० संशयित अचानक पीएनजीच्या शोरूममध्ये घुसले. काचेचे दरवाजे हातोड्यानं तोडून हे चोरटे घुसले. आत घुसल्यानंतर क्षणाचाही विलंब न लावता त्यांनी डिस्प्ले केस फोडायला सुरुवात केली. काही जण डिस्प्ले केस फोडत असताना बाकीचे लोक दागिने त्यांच्याकडी पिशव्यांमध्ये गोळा करत होते. अवघी २ मिनिटे १५ सेकंदात या चोरट्यांनी संपूर्ण शोरूम रिकामा केला.
