Supreme Court on NEET UG Result : राष्ट्रीय पात्रता-सह-प्रवेश परीक्षा-पदवीधर (NEET- UG) २०२४ च्या परीक्षेतील वाढीव गुणांबाबत सुरू असलेल्या वादावर आज सर्वोच्च न्यायालयात सुनावणी झाली. सुनावणीदरम्यान, सरकारने न्यायालयाला सांगितले की, ज्या विद्यार्थ्यांना ग्रेस गुण देण्यात आले आहेत त्यांचे स्कोअरकार्ड रद्द केले जातील. त्यांना २३ जून रोजी पुन्हा परीक्षा द्यावी लागणार आहे. अशा विद्यार्थ्यांची संख्या १५६३ आहे. मात्र, सध्या सर्वोच्च न्यायालयाने समुपदेशनावर बंदी घालण्यास नकार दिला आहे. याचिका दाखल करणाऱ्यांना निर्णयाची वाट पाहण्याचा सल्ला देखील कोर्टाने दीला आहे.
