PM Narendra Modi death Threat : पंतप्रधान नरेंद्र मोदी यांना जीवे मारण्याची पुन्हा एकदा धमकी मिळाल्याने खळबळ माजली आहे. मुंबई वाहतूक पोलिसांच्या हेल्पलाइनवर शनिवारी आलेल्या या मेसेजमध्ये पाकिस्तानी गुप्तचर संस्थेचे (आयएसआय) दोन एजंट पंतप्रधान नरेंद्र मोदींना बॉम्बने उडवण्याचा कट रचत असल्याचे, लिहिण्यात आले होते. हा मेसेज मिळताच मुंबई पोलीस सतर्क झाले आहेत.याबाबत मुंबई पोलिसांनी म्हटले की, ज्या नंबरवरून हा मेसेज आला, त्याचा तपास केला असता हा नंबर अजमेर राजस्थानचा असल्याचे समजले. संशयिताला पकडण्यासाठी पोलिसांचे एक पथक राजस्थानला रवाना झाले आहे.
