Palghar News: राज्यात महिला आणि अल्पवयीन मुलींवर होणाऱ्या अत्याचाराचा घटनेत लक्षणीय वाढ झाली. बदलापूर अत्याचार प्रकरण ताजे असताना महिला अत्याचाराच्या अनेक घटना समोर आल्या आहेत. पालघर जिल्ह्यातील नालासोपारा परिसरात एका ३० वर्षीय महिलेवर सामूहिक बलात्कार केल्याप्रकरणी तीन जणांना पोलिसांनी अटक केली आहे. न्यायालयाने तिन्ही आरोपींना पाच दिवसांची पोलिस कोठडी सुनावली आहे. याप्रकरणी पोलीस अधिक तपास करीत आहे.
