पुण्यात ६५ लाखांची रोकड जप्त
पुण्यात एकूण ६५ लाखांची रोकड जप्त करण्यात आली आहे. भोसरी आणि शिरूर येथे खाजगी वाहनातून रोकड घेऊन जात असल्याची माहिती पोलिसांना मिळाली होती. त्यानंतर पोलिसांनी सापळा रचून दोन्ही वाहनांची तपासणी केली. भोसरी पोलिसांनी एका फॉरच्यूनर गाडीतून १३ लाख ९० हजार ५०० रुपये जप्त केले. तर, शिरूर पोलिसांना एका वाहनात ५१ लाख १६ हजारांच्या नोटा मिळाल्या. प्राप्तीकर विभागाच्या चौकशीनंतर पुढील कारवाई करण्यात येणार असल्याची माहिती आहे. लोकसभा निवडणुकीच्या पार्श्वभूमीवर कोणताची गैरप्रकार घडू नये, यासाठी प्रयत्न केला जात असल्याचे या कारवाईतून दिसून येत आहे.
