मुंबईत आज सकाळपासून पावसाने जोरदार पुनरागमन केले आहे. मुंबईसह उपनगरामध्ये मुसळधार पाऊस कोसळत असून यामुळे मुंबईतील सखल भागात पाणी साचण्यास सुरूवात झाली आहे. यामुळे मुंबईतील रस्ते वाहतूक प्रभावित झाली आहे. अंधेरी सबवेच्या सखल भागामध्ये पाणी साचले असूनअंधेरी सबवे वाहतुकीसाठी बंद करण्यात आला आहे. मुंबईतील सायन, किंग सर्कल, हिंदमाता आदि भागात पाणी साचले असून मोठी वाहतूक कोंडी झाली आहे.
