मुंबईत शनिवारी सकाळी ०८.०० ते रात्री ०८.०० वाजेपर्यंत शहरात सर्वत्र पावसाने हजेरी लावली असून हाजी अली, ग्रँट रोड, सँडहर्स्ट रोड, मरोळ आणि अंधेरी पश्चिम या भागात सर्वाधिक २० मिलिमीटर पावसाची नोंद झाली. तर, कुलाबा, भायखळा, मलबार हिल, वरळी, विलेपार्ले, वर्सोवा, सांताक्रूझ, अंधेरी पूर्व आणि जोगेश्वरी अशा अनेक ठिकाणी १० ते २० मिमी पाऊस झाला. ठाण्यातील नौपाडा, दौलत नगर, कोपरी या भागात सर्वाधिक २० ते ३० मिलिमीटर पावसाची नोंद झाली.
