दुसऱ्या एका घटनेत, विलेपार्ले येथे पश्चिम द्रुतगती महामार्गावर दुचाकीवरून घरी जात असतांना जलींदर नेमाने (वय ४१) हे नायलॉन मांजामुळे जखमी झाले. नेमाने हे एका खासगी कंपनीत सुरक्षा अधिकारी म्हणून काम करतात. ही घटना घडली तेव्हा ते घरी जात होते. नेमाने यांची प्रकृती स्थिर असल्याचे पोलिसांनी सांगितले. नायलॉन मांजावर प्रतिबंधात्मक आदेशाचे उल्लंघन केल्याप्रकरणी विलेपार्ले पोलिसांनी अज्ञात व्यक्तीविरुद्ध गुन्हा दाखल केला आहे.
