मिळालेल्या माहितीनुसार, अविनाश (वय, २६) असे आरोपी विद्यार्थ्याचे नाव आहे. तर, पीडित महिला ही वसतिगृहात जेवण बनवण्याचे काम करते. दरम्यान, अविनाशची पीडित महिलेवर नजर पडली. त्याने शनिवारी मध्यरात्री अडीच वाजताच्या सुमारास पीडितेवर अत्याचार करण्यासाठी तिच्या खोलीची खिडकी तोडली. खिडकीचा आवाज येताच पीडित महिला जाग आली. यानंतर तिने जोरजोरात आरडाओरडा सुरू केला. पीडितेचा आवाज ऐकल्यानंतर वसतिगृहातील सर्वजण जागे झाले आणि त्यांनी घटनास्थळी धाव घेतली.
