Mumbai University Exam Postpone: मुंबई, उपनगरे आणि ठाणे, रायगड, पालघर, रत्नागिरी आणि सिंधुदुर्ग जिल्ह्यांत अतिवृष्टीचा इशारा देण्यात आला आहे. विद्यार्थ्यांची सुरक्षितता आणि सोय लक्षात घेता, मुंबई विद्यापीठातील आज मंगळवारी (९ जुलै) सकाळी आणि दुपारच्या दोन्ही सत्रातील सर्व परीक्षा पुढे ढकलल्या आहेत. या परीक्षांच्या नवीन तारखा लवकरच जाहीर केल्या जातील, असे परीक्षा व मूल्यमापन मंडळाच्या संचालक पूजा रौदळे यांनी सांगितले.
