जेलर
रजनीकांत यांचा ‘जेलर’ हा चित्रपट १० ऑगस्ट रोजी थिएटरमध्ये रिलीज होण्यासाठी सज्ज झाला आहे. तब्बल २ वर्षांनंतर रजनीकांत मोठ्या पडद्यावर परतले आहेत. थलायवा अभिनेते रजनीकांत यांचा हा नवा अवतार पाहण्यासाठी चाहते उत्सुक झाले आहेत. ‘जेलर’ या चित्रपटाच्या ट्रेलरमध्ये रजनीकांत मुथुवेल पांडियन, एका सामान्य कुटुंबाभिमुख पुरुषाची भूमिका साकारत असल्याचे दाखवण्यात आले आहे. जेव्हा त्यांच्यावर संकट कोसळू लागतात तेव्हा ते त्यांचा सामना कसा करतात, याची झलकही पाहायला मिळाली आहे.
