जगात कोणत्या देशाकडे सर्वात विनाशकारी शस्त्रांनी सज्ज असे शक्तिशाली लष्कर आहे यावरून त्या देशाची ताकद कळते. जगाला शांतता आणि आपसातील सौहार्दपूर्ण संबंधांची गरज आहे, यात शंकाच नाही. परंतु देशाच्या सीमांचे रक्षण करताना अनेकवेळा सशस्त्र संघर्ष अपरिहार्य ठरत असतो. अशावेळी कोणत्याही बाह्य आक्रमणापासून देशाला सुरक्षित ठेवण्यासाठी अत्यंत कार्यक्षम सैन्य आणि अत्याधुनिक शस्त्रे आवश्यक ठरत असतात. गेले अनेक महिने सुरू असलेला रशिया-युक्रेनदरम्यानचे युद्ध असो की सध्या गाझामध्ये सुरू असलेली लढाई, संघर्ष हा अटळ ठरतो हे एक क्रूर परंतु वस्तुस्थिती आहे. जगात किती देशांकडे अव्वल दर्जाचे सैन्य आहे, हे जाणून घेण्याबाबत सर्वसामान्यांमध्येही प्रचंड उत्सुकता असते.
