हाँगकाँगस्थित चित्रपट आणि दूरचित्रवाणी क्षेत्रातील प्रसिद्ध व्यक्तिमत्व असलेले रन रन शॉ (१९०७-२०१४) यांनी हाँगकाँग येथे ‘शॉ फाउंडेशन’ आणि ‘सर रन शॉ चॅरिटेबल ट्रस्ट’ या दोन चॅरिटेबल संस्थांची स्थापना केली होती. या दोन्ही संस्था जगभरात शिक्षण, तंत्र शिक्षण, विज्ञान, वैद्यकीय क्षेत्रातील मूलभूत संशोधन तसेच जनकल्याणकारी सेवा, संस्कृती आणि कला यांच्या प्रचाराचे कार्य करत असल्याचे शॉ प्राइजच्या वेबसाइटवर म्हटले आहे.
