‘अभिजात भाषेची (Classical Language) संकल्पना वेगळी आहे. अस्तंगत झालेल्या व प्राचीन असलेल्या ग्रीक, लॅटिन, संस्कृत सारख्या भाषांचा वारसा जतन करण्यासाठी डॉक्युमेंटेशन करणं ही खरी त्यामागची संकल्पना आहे. त्यामुळं आजच्या भाषांना अभिजात दर्जा देऊन आपण नेमकं काय साध्य करणार आहोत? या भाषांना अस्तंगत करायला आपण निघालो आहोत का? अभिजात दर्जा मिळाल्यानं काही कोटी रुपये आपल्याला मिळतील हे खरं आहे, पण त्याचा फार उपयोग होणार नाही. शेड्युल आठमधील सगळ्याच २२ भाषांना क्लासिकल स्टेटस द्यावा लागेल म्हणून केंद्र सरकारनं काही वर्षांपासून अभिजात भाषेचा दर्जा देणंच बंद केलं आहे. ते योग्यच केलेलं आहे, असं त्यांनी यावेळी सांगितलं.
