नुकतेच वकील सदावर्ते यांनी धनंजय मुंडे यांच्यावर टीका करणाऱ्या जरांगे पाटलांना खडेबोल सुनावले. पत्रकारांशी बोलताना ते म्हणाले की, ‘पावशेर दारू पिऊन कोणी धनजय मुंडेना अपमानित केले तर, त्याची गय केली जाणार नाही. तुमच्या बापाचे रस्ते आहेत का? शेतीला शेत असल्यास वाट द्यावी लागते. जरांगे तुझे काय शिक्षण आहे? जरांगे असो किंवा धस. मृतांच्या टाळूवरचे लोणी खात आहेत. एखाद्या मृत व्यक्तीच्या नावाखाली राजकारण करत आहेत’,असेही ते म्हणाले. याशिवाय, ‘संतोष देशमुख यांच्या हत्येच्या निषेधार्थ आणि ग्रामपंचायत कर्मचाऱ्यांच्या सुरक्षेसाठी शासनाने ठोस कायदा करावा, या मागणीसाठी राज्यातील ग्रामपंचायतीत ९ जानेवारीला काम बंद आंदोलन करण्यात येणार आहे’, अशीही माहिती सदावर्ते यांनी दिली.
