Maharashtra weather update : पुढील काही दिवसात दोन वेस्टर्न डिस्टर्बन्स सक्रिय होण्याची शक्यता आहे. त्यामुळे वातावरणात पुन्हा बदल होण्याचा अंदाज हवामान विभागाने वर्तवला आहे. राज्यात आज देखील पावसाचा इशारा हवामान विभागाने वर्तवला आहे. भारतीय हवामान खात्याने वर्तवलेल्या ताज्या अंदाजानुसार, पुढील ४८ तासात महाराष्ट्रात पावसाची शक्यता वर्तवण्यात आली आहे. विदर्भासह, मध्य महाराष्ट्रात काही ठिकाणी हा पाऊस पडणार आहे. नागपूर, गरडचिरोली, गोंदिया, चंद्रपूर जिल्ह्यात काल हलक्या पावसाने हजेरी लावली होती. तर मोठ्या प्रमाणात धुके देखील होते. विदर्भ, मराठवाडा, उत्तर महाराष्ट्र व मध्य महाराष्ट्रात थंडीने नागरिक गारठले आहेत.
तुमच्या शहरातील हवामान जाणून घेण्यासाठी येथे क्लिक करा
