Lok Sabha Election Baramati Constituency: आगामी लोकसभा निवडणुकीसाठी शरद पवार पक्षाने नुकतीच त्यांच्या पाच उमेदवारांची नावे जाहीर केली. त्यानंतर काही वेळातच अजित पवार पक्षाने बारामती लोकसभा मतदारसंघातून सुनेत्रा पवार यांच्या नावाची घोषणा केली. यामुळे बारामतीत नणंद विरुद्ध भावजय असा सामना रंगणार आहे. आगामी लोकसभा निवडणुकीत खासदार सुप्रिया सुळे विरुद्ध सुनेत्रा पवार लढत पाहायला मिळेल, अशा चर्चा सुरू होत्या. त्या चर्चा आता खऱ्या ठरल्या आहेत.
