लोकसभा निवडणुकीच्या (Lok Sabha 2024) पार्श्वभूमीवर राजकीय पक्षांच्या प्रचारसभांना वेग आला आहे. दरम्यान, हैदराबादमधील भाजपच्या उमेदवार के. माधवी लता सध्या प्रचारात व्यस्त आहेत.
हैदराबाद : लोकसभा निवडणुकीच्या (Lok Sabha 2024) पार्श्वभूमीवर राजकीय पक्षांच्या प्रचारसभांना वेग आला आहे. दरम्यान, हैदराबादमधील भाजपच्या उमेदवार के. माधवी लता सध्या प्रचारात व्यस्त आहेत. या प्रचारदम्यान के. माधवी लता यांची गळाभेट घेणाऱ्या महिला सहाय्यक उपनिरीक्षकाला निलंबित करण्यात आले आहे.
अलीकडेच के. माधवी लता एका निवडणूक रॅलीदरम्यान सैदाबादला पोहोचल्या होत्या. यादरम्यान उमा देवी या महिला सहाय्यक उपनिरीक्षक कर्तव्यावर त्यांनी के. माधवी लता यांना हस्तांदोलन करत गळाभेट घेतली होती. यासंबंधीचा व्हिडिओ सोशल मीडियावर व्हायरल होत आहे. त्यानंतर हा व्हिडिओ पोलिस अधिकाऱ्यांपर्यंत पोहोचला. यानंतर शहर पोलिस आयुक्त के. श्रीनिवास रेड्डी यांनी उमा देवा यांच्यावर कारवाई केली. त्यांना ड्युटीवरून निलंबित केले आहे.
