केईएम रुग्णालयातील रुग्णांच्या सीटी स्कॅन, एमआरआय, एक्स- रे अशा विविध वैद्यकीय चाचण्या केल्यानंतर रुग्णांना अहवालासोबत कागदी फोल्डर दिले जाते. मात्र, याच फोल्डरपासून कागदी प्लेट बनवल्याचा प्रकार समोर आला आहे. मुंबई महानगरपालिकेच्या माजी महापौर आणि ठाकरे गटाच्या नेत्या किशोरी पेडणेकर यांनी सोशल मीडियावर या संदर्भात व्हिडिओ शेअर केला. तसेच रुग्णालय प्रशासनाने घोर निष्काळजीपणा केल्याचा त्यांनी आरोपी देखील केला आहे.
