छोट्या पडद्यावरील क्विझ शो ‘कौन बनेगा करोडपती’ कायमच चर्चेत असतो. या क्विझ शोचा सोळावा सिझन प्रेक्षकांच्या भेटीला आला आहे. या शोचे बॉलिवूडचे शहेनशाह अमिताभ बच्चन सूत्रसंचालन करताना दिसतात. शोमध्ये हजेरी लावणारे स्पर्धक आणि बिग बी यांच्यामधील संवाद हे प्रेक्षकांचे लक्ष वेधून घेतात. अमिताभ बच्चन या स्पर्धकांशी गप्पा मारताना खासगी आयुष्याविषयी देखली बोलताना दिसतात. या शोच्या आगामी भागात अमिताभ बच्चन त्यांना आवडणाऱ्या खाद्यपदार्थाविषयी बोलताना दिसणार आहेत.
