१४ ऑगस्ट रोजी कौन बनेगा करोडपतीचे १५वे सिझन सुरु झाले आहे. या शोचे बॉलिवूडचे शहेनशाह अमिताभ बच्चन सूत्रसंचालन करताना दिसत आहेत. यंदाच्या सिझनमध्ये काही बदल करण्यात आले आहेत. ‘ऑडियन्स पोल’ ही लाइफलाइन अॅड करण्यात आली आहे. तसेच डबल डीप ही देखील लाइफलाइन असणार आहे. या लाइफलाइनच्या माध्यमातून स्पर्धकाला दोन प्रश्नांची उत्तरे एकाच वेळी देण्याची संधी मिळणार आहे. पहिल्या प्रश्नाचे उत्तर चुकले तरी दुसरा प्रश्न पर्याय म्हणून असतो. या लाइफलाइनचा वापर केल्यानंतर स्पर्धकाला गेम क्विट करता येत नाही. शिवाय ‘व्हिडीओ कॉल अ फ्रेंड’ ही लाइफलाइन देखील देण्यात आली आहे.
