दंतेवाड्यातील नक्षलग्रस्त नारायणपूर येथे डीआरजी पथक शोधमोहीम राबवताना अचानकपणे बंदुकीतून गोळी सुटून एका जवानाचा मृत्यू (Firing on Jawan) झाला. या घटनेत आणखी एक जवान जखमी झाला आहे.
रायपूर : दंतेवाड्यातील नक्षलग्रस्त नारायणपूर येथे डीआरजी पथक शोधमोहीम राबवताना अचानकपणे बंदुकीतून गोळी सुटून एका जवानाचा मृत्यू (Firing on Jawan) झाला. या घटनेत आणखी एक जवान जखमी झाला आहे. या जखमी जवानाला तत्काळ एयरलिफ्ट करण्यात आले. त्याच्यावर रायपूरमध्ये उपचार सुरू असल्याची माहिती सुरक्षा दलाकडून देण्यात आली आहे.
दंतेवाडा जिल्ह्यातील वरसूर पोलिस ठाण्याच्या हद्दीत सुरक्षा जवान गस्त घालत होते. यावेळी हंदवाडा आणि हितवाडा परिसरात सशस्त्र नक्षलवादी असल्याची माहिती सुरक्षा दलातील जवानांना मिळाली. त्यामुळे 24 एप्रिलला डीआरजी आणि बस्तर फायटर दंतेवाडा यांचे संयुक्त पथक दंतेवाडा आणि नारायणपूरच्या सीमावर्ती भागात नक्षलवाद्यांचा शोध घेत होते. यावेळी मोहिमेत चुकून गोळी लागल्याने दंतेवाडाचे दोन जवान जखमी झाले. त्यातील एका जवानाला वीरमरण आले, तर दुसऱ्या जवानावर उपचार सुरू आहेत. या जवानांना तत्काळ एयरलिफ्ट करण्यात आल्याची माहिती सुरक्षा दलाकडून देण्यात आली. देवेंद्र कुमार असं या जवानाचं नाव आहे.
