येत्या ११ फेब्रुवारी रोजी‘जाऊ बाई गावात’ या लोकप्रिय आणि बहुचर्चित मराठी शोच्या पहिल्या पर्वाचा महाअंतिम सोहळा रंगणार आहे. ‘जाऊ बाई जोरात’ या हटके शोचे हे पहिले पर्व विशेष गाजले. या शोमधील स्पर्धक,त्यांना दिलेले टास्क, स्पर्धकांनी गावकऱ्यांची जिंकलेली मनं यामुळे ‘जाऊ बाई गावात’ हा शो चांगलाच चर्चेत राहिला होता. अस्सल मराठी मातीतला आणि गावाशी नाळ जोडलेला हा कार्यक्रम आता अंतिम टप्प्यात पोहोचला आहे. या फिनाले आठवड्यात जागा मिळवणाऱ्या पाच स्पर्धकांची नावे आता समोर आली आहेत. रमशा फारुकी,रसिक ढोबळे,संस्कृती साळुंके,स्नेहा भोसलेआणि श्रेजा म्हात्रे या स्पर्धकांनी ‘जाऊ बाई गावात’च्या ‘टॉप ५’ यादीत स्थान मिळवले आहे. या महाअंतिम सोहळ्याचा गावकऱ्यांसोबत संपूर्ण महाराष्ट्रात उत्साह निर्माण झाला आहे.
