Jalgaon Accident : जेवणाचे पार्सल आण्यासाठी मामासोबत दुचाकीवर जात असलेल्या एका ९ वर्षीय बालकाचा भरधाव डंपरने दिलेल्या जोरदार धडकेत मृत्यू झाला. चिमुकल्याच्या मृत्यूनंतर संतप्त जमावाने रस्त्यातच डंपर पेटवून दिला. शहरातील कालिंका माता चौफुलीजवळ बुधवारी सायंकाळी साडे सात वाजण्याच्या सुमारास हा अपघात झाला. भरधाव डंपर भुसावळकडून जळगावकडे जात होता. या घटनेत ९ वर्षाच्या चिमुरड्याचा मृत्यू झाला तर त्याची बहीण व मामा जखमी झाले आहेत. योजस धीरज बऱ्हाटे (वय ९, रा. लीला पार्क, अयोध्या नगर) असे मयत बालकाचे नाव आहे.
