मीडिया रिपोर्टनुसार, जॅकलिन फर्नांडिसने काही दिवसांपूर्वी दिल्ली पोलिस आयुक्तांना पत्र लिहून याबद्दल तक्रार दाखल केली होती. यात तिने लिहिले होते की, ‘मी एक जबाबदार नागरिक आहे. मला जबरदस्तीने या प्रकरणात गोवले जात आहे. सध्या ही बाब देशाच्या कायद्याच्या कक्षेपासून आणि पारदर्शकतेपासून कोसो दूर आहे. विशेष सेलने मला सरकारी साक्षीदार बनवल्यापासून सुकेश सतत माझ्यावर निशाणा साधत आहे. माझ्यावर सतत मानसिक दबाव निर्माण केला जात आहे. कारागृहाच्या तुरुंगात बसलेला सुकेश मला सतत धमक्या देत आहे आणि त्रास देण्यासाठी नवनवीन डावपेच वापरत आहे.’
