ISRO ने आज INSAT-3DS लाँच केलं. या उपग्रहाच्या माध्यमातून भारताला हवामानाची अचूक माहिती गोळा करणे सोपे होणार आहे. श्रीहरिकोटा येथील सतीश धवन अंतराळ केंद्रातून आज या उपग्रहाचं प्रक्षेपण करण्यात आलं.
इस्रोनं अखेर इनसॅट-३डीएस (INSAT-3DS) यशस्वीरित्या (ISRO Weather Satellite) लाँच केलं. या उपग्रहाच्या माध्यमातून भारताला हवामानाची अचूक माहिती गोळा करणे सोपे होणार आहे. श्रीहरिकोटा येथील सतीश धवन अंतराळ केंद्रातून आज या उपग्रहाचं प्रक्षेपण करण्यात आलं. हे जिओसिंक्रोनस लॉन्च व्हेईकल F14 (GSLV-F14) वर लॉन्च करण्यात आले.
हे सुद्धा वाचा
या उपग्रहाचे मिशन लाइफ 10 वर्षे आहे. म्हणजेच पुढील दहा वर्षे हवामानातील सर्व बदलांची माहिती देत राहील. या उपग्रहावर सुमारे 500 कोटी रुपये खर्च झाले आहेत. एकदा वर्किंग मोडमध्ये आल्यावर, ते वादळ तसेच जंगलातील आग, हिमवर्षाव, धूर आणि बदलते वातावरण याबद्दल माहिती देईल. या उपग्रहाचा उद्देश पृथ्वीच्या पृष्ठभागाच्या आणि महासागर निरीक्षणांच्या अभ्यासाला चालना देणे हा आहे. ५१.७ मीटर उंच GSLV-F14 रॉकेट येथून सोडण्यात आले. या उपग्रहाचे वजन 2,274 किलो आहे. उपग्रहाच्या दुसऱ्या टप्प्यातील कामगिरी सामान्य असून पेलोड बेअरिंग देखील वेगळे करण्यात आले आहे.
