‘वॉर २’ या सीक्वलच्या दिग्दर्शनाची जबाबदारी यावेळी ‘ब्रह्मास्त्र’ फेम अयान मुखर्जीवर सोपवण्यात आली आहे. तर, ‘आरआरआर’ फेम ज्युनियर एनटीआरची चित्रपटात एन्ट्री झाल्याने आता हा चित्रपट नक्कीच गाजणार आहे. ज्युनियर एनटीआरची क्रेझ केवळ साऊथ पुरतीच मर्यादित नाही, तर ती जगभर पसरली आहे. ज्युनियर एनटीआरच्या ‘आरआरआर’ या चित्रपटाने ऑस्करपर्यंत मजल मारली. त्यामुळे त्याच्या फॅन फॉलोविंगमध्येही मोठी वाढ झाली आहे. याचा फायदा टायगर श्रॉफ आणि हृतिक रोशनच्या ‘वॉर २’ या चित्रपटाला नक्कीच होऊ शकतो. मात्र, अद्याप चित्रपटाच्या टीमकडून यावर कोणतीही अधिकृत प्रतिक्रिया आलेली नाही.
