मिळालेल्या माहितीनुसार, वर्धा जिल्ह्यातील हिंगणघाट शहरात भाजीविक्रेते असलेल्या शुभम मनोहर टामटे यांनी विलास थुरटकर यांना उधारीवर टोमॅटोची विक्री केली होती. आरोपीने शुभम यांच्याकडून चार कॅरेट टोमॅटो उधारीवर खरेदी केले. त्यानंतर भाजीविक्रेत्या शुभम यांनी विलास यांना पैशांची मागणी करायला सुरुवात केली. त्यावेळी शुभम आणि विलास या दोघांमध्ये वाद झाला. शिवीगाळ झाल्यानंतर प्रकरण हाणामारीपर्यंत पोहचलं. आरोपी विलासने शुभमवर धारदार शस्त्राने वार करत त्याला जखमी केलं. सुदैवाने शुभमने तातडीने घटनास्थळावरून पळ काढल्याने मोठा अनर्थ टळला.
