त्यावेळी अचानक वराला कुलरमधील वायरमध्ये लागलेल्या वायरमधून विजेचा धक्का लागला. काही कळायच्या आताच त्याने या जगाचा निरोप घेतला.
सध्या लग्नाचा सिझन सुरू आहे. लग्न म्हण्टलं की वधू-वराकडील मंडळींमध्ये उत्साहाच वातावरण असतं. मात्र अशावेळी अनेकदा दुर्घटना काही घडून उत्साहाचं वातावरण दुखाच्या वातावरणात बदलतं. राजस्थानमधील कोटा येथे असाच एक प्रकार उघडकीस आला आहे. कोटा जिथे एका रिसॉर्टमध्ये सुरू असलेल्या लग्नाच्या विधी दरम्यान वराचा अचानक मृत्यू झाल्याची घटना (Groom Died In Front Of Bride) घडली आहे. वधू-वरांचा हळदी मेहंदीचा कार्यक्रम सुरू असताना अचानक कूलरच्या वायरिंगला विजेचा धक्का लागल्याने वराचा जागीच मृत्यू झाल्याचं सांगण्यात येत आहे.
हे सुद्धा वाचा
नेमकं काय झालं
मिळालेल्या माहितीनुसार, कोटा येथील केशवपुरा भागात राहणाऱ्या सूरज सक्सेनाचे आज लग्न होते. शहराबाहेरील असलेल्या एका रिसॅार्टमध्ये लग्नाचे कार्यक्रम सुरू होते. यावेळी वरवधू यांच्यासहीत सगळे पाहुणे मंडळी उपस्थित होते. सायंकाळी लग्नाची मिरवणूक निघणार होती. रिसॉर्टच्या स्विमिंग पूलजवळ हळदीचा कार्यक्रम सुरू होता तर जवळच नववधू तिच्या होणाऱ्या नवऱ्याच्या नावाने मेहंदी लावत होती. त्यावेळी अचानक वराला कुलरमधील वायरमध्ये लागलेल्या वायरमधून विजेचा धक्का लागला. काही कळायच्या आताच त्याने या जगाचा निरोप घेतला.
