Gigi Hadid Arrested: हॉलिवूडची सुपर मॉडेल आणि अभिनेत्री जीजी हदीद हिला गांजा घेऊन प्रवास केल्याप्रकरणी अटक करण्यात आली होती. मात्र, नंतर तिची जामिनावर सुटका करण्यात आली आहे. सुपर मॉडेल जीजी हदीद अनेकदा तिच्या स्टाईलमुळे चर्चेत असते. पण, यावेळेस ती एका वेगळ्याच कारणामुळे चर्चेत आली आहे. मीडिया रिपोर्ट्सनुसार, जीजी हदीदला अटक करण्यात आली असून, गांजा हे यामागचे कारण सांगितले जात आहे. जीजी हदीद ब्रेक घेऊन केमन बेटांवर सुट्टी घालवण्यासाठी जात असताना तिने तिच्यासोबत गांजा घेतला होता. यामुळेच तिला अटक करण्यात आली. मात्र, नंतर तिची जामिनावर सुटका करण्यात आली.
