निवडणूक आयोगाने महाराष्ट्र विधानसभा निवडणुकीच्या तारखा जाहीर केल्या आहेत. राज्यातील सर्व २८८ जागांसाठी २० नोव्हेंबर रोजी मतदान होणार असून २३ नोव्हेंबर रोजी निकाल जाहीर होणार आहे. राज्यात मुख्य लढत सत्ताधारी महायुती आणि विरोधी आघाडी महाविकास आघाडी यांच्यात असली तरी काही छोटे पक्ष व नेते असे आहेत जे दोन्ही आघाडीचा खेळ बिघडवण्यासाठी सक्षम आहेत. यात राज ठाकरे, ओवैसी, जरांगे, प्रकाश आंबेडकर यांचा समावेश आहे. महायुतीतील घटक पक्ष भाजप, एकनाथ शिंदे यांची शिवसेना आणि अजित पवार यांचा राष्ट्रवादी काँग्रेस यांच्यात जागावाटपाबाबत जोरदार मंथन सुरू असून लवकरच या पक्षांमध्ये जागावाटप होईल, अशी अपेक्षा व्यक्त केली जात आहे.
