Elon Musk on American Election : टेस्ला आणि सोशल मीडिया प्लॅटफॉर्म X चे मालक इलॉन मस्क यांनी असा दावा केला आहे की, २०२४च्या शेवटी अमेरिकेत होणारी अध्यक्षी पदाची निवडणूक ही शेवटची निवडणूक असेल ज्यामध्ये अमेरिकन नागरिकांची थेट भूमिका असेल. अमेरिकेत वाढणाऱ्या बेकायदेशीर स्थलांतरितांच्या प्रश्नामुळे इलॉन मस्क यांनी चिंता व्यक्त करत वरील विधान केले आहे. हाऊस रिपब्लिकनने मंजूर केलेल्या नवीन विधेयकाच्या पार्श्वभूमीवर त्यांनी टीका केली आहे. या विधेयकानुसार अमेरिकेचे सरकार स्थलांतरीतांना थेट नागरिकत्व देण्याची तयारी करत आहेत. मात्र, या निर्णयाला व्हाईट हाऊस आणि डेमोक्रॅटिक खासदारांनी विरोध केला आहे.
