मिळालेल्या माहितीनुसार, पुण्यातील डीआरआय पथकाला छत्रपती संभाजीनगरमध्ये ५०० कोटींचं कोकेनची खेप येणार असल्याची माहिती मिळाली होती. त्यानंतर पथकाने पोलिसांच्या मदतीने संभाजीनगर शहरात सापळा रचला. त्यानंतर पोलिसांनी शहरातील काही ठिकाणी छापेमारी करत तब्बल ५०० कोटी रुपयांचं कोकेन जप्त केलं आहे. त्यामुळं संभाजीनगर शहरात खळबळ उडाली आहे. पोलिसांनी या प्रकरणात दोन आरोपींना अटक केली असून त्यांच्यावर गुन्हा दाखल करण्यात आला आहे. आरोपींची माहिती डीआरआयच्या अधिकाऱ्यांकडून देण्यात आलेली नाही. याशिवाय या छाप्याबद्दलचं कोणतंही स्पष्टीकरण अद्याप डीआरआयकडून देण्यात आलेलं नाही.
