कुस्तीच्या आखाड्यापासून प्रवास सुरू करून अभिनयाच्या दुनियेत पोहोचलेले दारा सिंह प्रत्येक टप्प्यावर यश मिळवत राहिले. त्यांनी कुस्ती आणि अभिनय दोन्हीही गोष्टी एकाच वेळी सांभाळल्या आणि दोन्हीमध्ये ते यशस्वी झाले. अभिनय करताना ना ते स्वत:ला कुस्तीपटू मानत, ना कुस्ती खेळताना ते स्वत:ला स्टार समजत… प्रत्येक गोष्ट अगदी मनापासून संपूर्ण झोकून देण्याच्या व्रृत्तीमुळे त्यांना नेहमीच यश मिळाले. बॉलिवूडमध्ये प्रसिद्धी मिळवून देखील त्यांनी कधीच डोक्यात हवा जाऊ दिली नाही. केवळ क्रीडा आणि चित्रपटच नाही तर, त्यांनी राजकारणातही आपले नशीब आजमावले होते.
