तरुणाने आईचा मोबाईल घेतला होता. हा मोबाईल नंबर वडिलांच्या बँक खात्याला लिंक होता. गेम खेळताना एक फसवी लिंक आली होती. त्यावर चुकून क्लिक करताच सायबर भामट्यांनी वडिलांच्या बँक खात्यातून दोन लाख रुपये उडवले. वडिलांना ही गोष्ट समजली तर ते ओरडतील, मारतील या भीतीने तरुणाने कीटकनाशक प्यायले. त्याला छातीत दुखू लागल्यानंतर कुटूंबीयांनी त्याला खासगी रुग्णालयात दाखल केले, मात्र उपचारादरम्यान त्याचा मृत्यू झाला. याबाबत आचोळे पोलीस ठाण्यात नोंद करण्यात आली आहे.
