राजस्थानच्या कोटपुतली-बेहरोर जिल्ह्यात बलात्काराचा आरोपी आणि त्याच्या दोन साथीदारांनी 25 वर्षीय पीडितेवर गोळ्या झाडल्या आणि चाकूने तिच्यावर हल्ला करून तिला गंभीर जखमी केले. या हल्ल्यात पीडितेचा भाऊही जखमी झाला आहे.
जयपूर : राजस्थानच्या कोटपुतली-बेहरोर जिल्ह्यात बलात्काराचा आरोपी आणि त्याच्या दोन साथीदारांनी 25 वर्षीय पीडितेवर गोळ्या झाडल्या आणि चाकूने तिच्यावर हल्ला करून तिला गंभीर जखमी केले. या हल्ल्यात पीडितेचा भाऊही जखमी झाला आहे. दोघांवर जयपूरच्या सवाई मानसिंग रुग्णालयात उपचार सुरू आहेत. तिन्ही आरोपींना अटक करण्यात आल्याचे पोलिसांनी सांगितले.
पोलिस महासंचालक यू.आर. साहू यांनी याबाबत सांगितले की, या प्रकरणातील मुख्य आरोपी राजेंद्र यादव याला सोमवारी जयपूरमध्ये ट्रेनने धडक दिल्याने त्याचा पाय गमवावा लागला. पोलिसांनी त्याला पकडले. याप्रकरणाची माहिती मिळाल्यानंतर क्रीडामंत्री राज्यवर्धन सिंह राठोड यांनी रुग्णालयात जाऊन पीडितेच्या प्रकृतीची विचारपूस केली.
