अभिनेते कार्ल वेदर्स यांच्या कुटुंबाने त्यांच्या मृत्यूचे कारण अद्याप स्पष्ट केलेले नाही. मात्र, कार्ल वेदर्स यांचा झोपेतच मृत्यू झाला, असे त्यांच्या कुटुंबीयांनी सांगितले आहे. कार्ल वेदर्स यांच्या कारकिर्दीबद्दल बोलायचे, तर मोठा पडदा असो, वा छोटा पडदा त्यांनी नेहमीच उत्कृष्ट काम केले आहे. त्यांनी चित्रपट आणि टीव्ही विश्वात ७५हून अधिक शो केले होते. त्यांनी १९७०मध्ये आपल्या कारकिर्दीची सुरुवात केली होती. आता कार्ल वेदर्स आपल्यासोबत या जगात नाहीत. त्यांच्या निधनामुळे जगभरातील चाहत्यांना आणि मनोरंजन विश्वाला मोठा धक्का बसला आहे.
