सोशल मीडिया इंफ्लूएन्सर डॉली सिंह देखील या वर्षी कान्स फिल्म फेस्टिव्हलमध्ये पदार्पण करणार आहे. ती प्रतिष्ठित ग्रँड लुमिएर थिएटरमध्ये आयोजित चित्रपट प्रदर्शनास उपस्थित राहणार आहे. याविषयी बोलताना ती म्हणाली, ‘कान्स फिल्म फेस्टिव्हल हे भारतीय कलाकारांसाठी आंतरराष्ट्रीय व्यासपीठावर त्यांची प्रतिभा दाखवण्यासाठी एक महत्त्वाचा मंच आहे. गेल्या काही वर्षांत भारतीय प्रतिभेने केवळ भारतीय चित्रपटांना जागतिक स्तरावर आणले नाही, तर सांस्कृतिक अडथळे दूर करण्यास मदत केली आहे.’
