मुख्यमंत्री एकनाथ शिंदे यांच्या अध्यक्षतेखाली आज (बुधवार) राज्य मंत्रिमंडळाची बैठक पार पडली. या बैठकीत अनेक महत्त्वाचे निर्णय घेण्यात आलेत. मंत्रिमंडळ बैठकीस उपमुख्यमंत्री देवेंद्र फडणवीस उपमुख्यमंत्री अजित पवार आणि मंत्रिमंडळातील सदस्य उपस्थित होते. आज झालेल्या मंत्रिमंडळ बैठकीत दहा महत्वाचे निर्णय घेण्यात आले आहेत. यामध्ये रस्ते बांधणी, वाळू दर निश्चिती, इंटर्नशिप विद्यार्थ्यांना विद्यावेतनात वाढ, अनुसूचित जातीच्या विद्यार्थ्यांसाठी मॅट्रिकपूर्वी शिष्यवृत्ती असे निर्णय घेण्यात आले आहेत.
