फलटण : फलटण नगर परिषद फलटणचे नगरसेवक आयु. विकास वसंतराव काकडे( सर ) यांचा वाढदिवस आज उत्साहपूर्ण वातावरणात साजरा होत असून, यानिमित्त साहस Times तर्फे त्यांना वाढदिवसाच्या हार्दिक शुभेच्छा व्यक्त करण्यात येत आहेत.
शैक्षणिक, सामाजिक आणि सांस्कृतिक क्षेत्रात उल्लेखनीय कार्य करत नागरिकांच्या मनात आपले वेगळे स्थान निर्माण करणारे विकास काकडे (सर) हे प्रामाणिक, कार्यक्षम आणि सर्वसमावेशक नेतृत्व म्हणून ओळखले जातात. “कामातून विश्वास” या तत्त्वावर कार्य करणाऱ्या त्यांच्या नेतृत्वामुळे प्रभागातील नागरिकांमध्ये त्यांच्याबद्दल दृढ विश्वास निर्माण झाला आहे.
फलटण एज्युकेशन सोसायटी संचलित मालोजीराजे शेती विद्यालय व ज्युनिअर कॉलेज येथे उपमुख्याध्यापक म्हणून कार्य करताना त्यांनी विद्यार्थ्यांच्या जीवनात मूल्यसंस्कार, शिस्त आणि सामाजिक जाणीव रुजवण्याचे मोलाचे कार्य केले. त्यांच्या मार्गदर्शनाखाली घडलेले अनेक विद्यार्थी आज विविध क्षेत्रात यशस्वी ठरत समाजात सकारात्मक योगदान देत आहेत.
समाजकारणाशी घट्ट नाते जपत विकास काकडे (सर) यांनी विविध सामाजिक उपक्रमांद्वारे नागरिकांमध्ये एकात्मता निर्माण केली. डॉ. बाबासाहेब आंबेडकर जयंती, भगवान गौतम बुद्ध जयंती तसेच छत्रपती संभाजी महाराज जयंती यांसारख्या कार्यक्रमांचे यशस्वी आयोजन करून त्यांनी सामाजिक सलोखा आणि बंधुभाव दृढ केला. विशेषतः फलटण शहरात बुद्ध जयंती मिरवणुकीची परंपरा सुरू करण्यामध्ये त्यांचा मोलाचा सहभाग राहिला आहे.
प्रभाग क्रमांक १२ मधील शिक्षण, रस्ते, स्वच्छता, आरोग्य आणि युवकांसाठी सुविधा यांसारख्या मूलभूत प्रश्नांवर त्यांनी सातत्याने लक्ष केंद्रित केले आहे. सर्व समाजघटकांशी स्नेहाने वागणारे, संयमी व विनम्र व्यक्तिमत्त्व म्हणून ते नागरिकांमध्ये लोकप्रिय आहेत. शिक्षक, युवक, महिला आणि सर्वसामान्य नागरिकांच्या समस्या सोडवण्यासाठी ते नेहमीच तत्पर असतात.
त्यांच्या वाढदिवसानिमित्त प्रभागातील नागरिक, मित्रपरिवार, सहकारी आणि विविध क्षेत्रातील मान्यवरांकडून शुभेच्छांचा वर्षाव होत आहे. आगामी काळातही त्यांच्या कार्याला अधिक बळ मिळून त्यांनी फलटणच्या विकासासाठी नवे मानदंड प्रस्थापित करावेत, अशी अपेक्षा व्यक्त केली जात आहे.
साहस Times तर्फे आयु. विकास वसंतराव काकडे यांना वाढदिवसाच्या मनःपूर्वक शुभेच्छा!
