नुकत्याच पार पडलेल्या टास्कमध्ये स्पर्धकांना एकमेकांना नॉमिनेट करायचे होते. जेव्हा पूजा भट्टची वेळ आली, तेव्हा तिने आलिया सिद्दीकीचे नाव घेतले. याचे कारण विचारले असता ती म्हणाली की, ‘गेल्या एका आठवड्यापासून मी आलियाच्या व्यक्तिमत्त्वाबद्दल खूप गोंधळात आहे. मी तिला समजूच शकत नाही. गेल्या २४ तासांत, मी तिचं एक असं रूप पाहिलं ज्यामुळे मलाच आता भीती वाटू लागली आहे. जिया शंकर, बाबिका ध्रुवे नेहमीच एकमेकींशी भांडत राहतात. मात्र, काल रात्री, आलियाने भांडण सुरू करण्याचा प्रयत्न केला. परंतु, नंतर तिने बाबिकाच्या वाढदिवसाच्या केकचा एक मोठा तुकडा खाण्यास अजिबात संकोच केला नाही. जेव्हा, तुम्ही एखाद्याला नापसंत करता आणि तिरस्कार करता, तेव्हा तुम्ही त्यांच्या वाढदिवसाचा केक एवढ्या आनंदाने कसा खायला जाऊ शकता?’
