छोट्या पडद्यावरील वादग्रस्त पण तितकाच लोकप्रिय शो म्हणून बिग बॉस पाहिला जातो. या शोमध्ये सहभागी झालेल्या स्पर्धकांविषयी जाणून घेण्यासाठी चाहते नेहमीच उत्सुक असतात. बॉलिवूडचा भाईजान सलमान खान सूत्रसंचालन करत असलेल्या बिग बॉसचे १८वे पर्व सध्या चांगलेच चर्चेत आहे. या सिझनमध्ये सहभागी झालेला स्पर्धक अविनाश मिश्रा सर्वांचे लक्ष वेधून घेताना दिसत आहे. आता त्याच्या खासगी आयुष्याची चर्चा रंगली आहे. अविनाशची कथित गर्लफ्रेंड टीव्ही अभिनेत्री असल्याचे म्हटले जात आहे.
