बॉलिवूड अभिनेता अजय देवगणच्या ‘भोला’ची घोषणा झाली आणि या चित्रपटाचा टीझर व्हिडीओ प्रदर्शित झाला तेव्हा, या चित्रपटाचा मोठा बझ निर्माण झाला होता. चित्रपटाची ही चर्चा पाहता हा चित्रपट बॉक्स ऑफिसवर बक्कळ कमाई करेल, अशा अपेक्षा व्यक्त केल्या जात होत्या. मात्र, रिलीजनंतर असे झाले नाही. या चित्रपटाने देशांतर्गत बॉक्स ऑफिसवर अद्याप १०० कोटींचा आकडाही ओलांडलेला नाही. आतापर्यंत या चित्रपटाने भारतीय बॉक्स ऑफिसवर केवळ ८५ कोटींचीच कमाई केली आहे. परंतु, जगभरात या चित्रपटाने १०० कोटींची कमाई केली आहे.
