इस्रायलने हमासला कतार आणि इजिप्तच्या माध्यमातून दोन महिन्यांची युद्धविरामाचा प्रस्ताव आहे. यानुसार हमासला उरलेल्या सर्व ओलीसांची सुटका करावी लागणार आहे.
गेल्या तीन महिन्यापासून इस्रायल आणि हमासमध्ये युद्ध (Isrel Hamas War)सुरू आहे. या युध्दात आतापर्यंत 25000 पेक्षा जास्त लोकांचा मृत्यू झाला आहे. तरीही इस्रायल आणि हमासमधला तणाव काही कमी होण्याची चिन्ह दिसत नाही आहे. आता समोर आलेल्या माहितीनुसार, इस्रायलने कतार आणि इजिप्तच्या मध्यस्थांच्या माध्यमातून हमासला दोन महिन्यांपर्यंतच्या युद्धविरामाचा प्रस्ताव दिला आहे. या बदल्यात हमासला सर्व ओलिसांची सुटका करावी लागेल असं म्हण्टलं आहे.
हे सुद्धा वाचा
130 हून अधिक लोक अजूनही ओलिस
इस्रायली युद्ध मंत्रिमंडळाने अलीकडेच पॅलेस्टिनी गट हमाससोबत ओलिस कराराच्या नवीन प्रस्तावाच्या मापदंडांना मंजुरी दिली आहे, असे अहवालात म्हटले आहे. हे प्रस्ताव हमासने नाकारलेल्या सौद्यांच्या पूर्वीच्या पैलूंपासून वेगळे असल्याचे म्हटले आहे. इस्रायली अधिकाऱ्यांच्या म्हणण्यानुसार, गाझामध्ये अजूनही 130 हून अधिक ओलीस ठेवण्यात आले आहेत.
