Belagavi crime news : कर्नाटक राज्यातील बेळगाव जिल्ह्यातील बासुर्ते गावात एक धक्कादायक घटना घडली. मुलांनी बागेतील फुले तोडल्यामुळे एका अंगणवाडी सेविकेवर प्राणघातक हल्ला करून तिचे नाक कापण्यात आले. या घटनेमुळे खळबळ उडाली आहे. या घटनेनंतर आरोपी फरार झाला आहे. दरम्यान, या घटनेच्या निषेधार्थ अंगणवाडी सेविकांनी एक दिवसांचा बंद ठेवत मोर्चा काढून आरोपीला शिक्षा करण्याची मागणी केली.
