अजिंक्य देव यांना या मुलाखतीमध्ये त्यांच्या ‘माहेरची साडी’ या चित्रपटाविषयी देखील वक्तव्य केले. हा सिनेमा आजही प्रेक्षक तितकाच आवडीने पाहतात. या चित्रपटात अभिनेत्री अलका कुबल महत्त्वाच्या भूमिकेत होत्या. या चित्रपटाविषयी बोलताना अजिंक्य देव म्हणाले, “माहेरची साडी’ या चित्रपटासाठी मला विजय कोंडकेंनी विचारणा केली होती. पावणे दोन तास ते मला गोष्ट ऐकवत होते. या सिनेमात कुठे टाळ्या मिळतील, महिला कुठे रडतील या सर्व गोष्टी विजय यांना त्यावेळीच माहिती होत्या.”
